சின்னம்

 

காதல் எங்குள்ளது என்று கேட்டால் ?

இதயம் என்கிறான் !

அந்த இதயத்தையே அம்பெய்தி கொன்றுவிட்டு 

பின்பு காதலை இவன் எங்கிருந்து 

உணரப் போகிறான் ! 

- அரவிந்த்

---

---

காதலர் தினம்

காதலர் தினம் என்றால் அன்று மட்டும் தான் காதலிப்பீர்களா ?

அல்ல

அன்று மட்டும் தான் அன்பு பாராட்டுவீர்களா ?

என்று கேட்பதோ / சொல்வதோ அறியாமை.

நாம் என்ன பொங்கல் அன்று மட்டும் தான் பொங்கல் சாப்பிடுகிறோமா ?

அல்ல 

தீபாவளி அன்று மட்டும் தான் விளக்கேற்றுகிறோமா ?

அவ்வளவு ஏன் ... 

அங்கிங்கெனாதபடி எங்கும் நிறைந்திருப்பதாக 'கூறப்படும்' 

அந்த கடவுளுக்கே !

பொதுவாக சிறப்பிப்பதர்க்கு கோவில்கள் தேவைப்படுமாயின் 

அந்த கடவுளுக்கே !

உருவமும், பெயரும் கொடுத்த 

இந்த மனிதர்களின் உயரிய உன்னத உணர்ச்சியான "காதலுக்கு" !

ஏன் சிறப்பிக்க ஒரு நாள் இருக்கக்கூடாது ?

- அரவிந்த்

---

---

அழகு

 

ஆணுக்கு அழகு வீரம் என்றார்கள் 

பெண்ணுக்கு அழகு நாணம் என்றார்கள் 

மதிக்கு அழகு வெண்மை என்றார்கள் 

அன்னத்திற்கு அழகு நடை என்றார்கள் 

ஆதவனுக்கு அழகு ஒளி என்றார்கள் 

உறவினுள் அழகு தாய்மை என்றார்கள் 

இந்த காதலுக்கு அழகு தான் என்ன ?

                . . . . . . . தெய்வீகம் தானோ !

- அரவிந்த்

---

---

விழியின் வழியாக

உன் மிசைல் பார்வையில் 

என் இதயம் அணுகுண்டைப் 

போல் வெடித்துச்சிதறுகிறது 

மீண்டுமா ஒரு வெடிப்புன்னகை ?

ஏவுகனையாகிவிட்ட என் மனம் 

உன்னையே சுற்றுகிறது 

செயர்க்கைக்கொளாக . . . 

- அரவிந்த்

---

---

கலியுகக் காதல்

 

உன் காதலுக்கு

நிலவைத் தூது விடுகிறாயே 

உன் காதல் 

என்ன நிலவைப் போல் 

வெண்மையானதா ? அல்ல தூது விட 

உன் காதல் 

என்ன தெய்வீகமானதா ?

- அரவிந்த்

---

---

பிரிவு

 

உன் காதலியின் பிரிவைத் 

தாங்க முடியாமல் தானா ?

உன் முகத்தை மேகத்தினுள் 

மறைத்துக் கொள்கிறாய் ?

- அரவிந்த்

---

---

தேய்பிறை

 

இக்கலியுகத்தில் 

தெய்வீகக்காதலைக்

காண முடியாததை 

எண்ணியா ? நீ 

நாளும் 

தேய்ந்து கொண்டிருக்கிறாய் ?

- அரவிந்த்

---

---

நிலா

 

சிற்பி சிலைகளை செதுக்குகிறான் 

அவனுக்கு சன்மானம் கிடைக்கிறது 

ஓவியன் ஓவியத்தை தீட்டுகிறான் 

அவனுக்கு புகழ்மாலை கிடைக்கிறது 

கவிஞன் கவிதைகளை படைக்கிறான் 

அவனுக்கோ பொற்காசுகள் கிடைக்கிறது 

நீ ... காதலுக்கு தூது போகிறாயே 

உனக்கு கிடைத்தது என்ன ?

                                                                      வெறும் தேய்மானம் தானோ ? . . .

- அரவிந்த்

---

---

நட்பு எனப்படுவது யாதெனில் ?

 

முகங்கள் 'தேவையில்லை'

  மனங்களே போதும் 

வயது ஒரு 'பொருட்டில்லை'

புரிதலே போதும் 

அந்தஸ்து 'அவசியமில்லை'

பாகுபாடற்ற உள்ளமே போதும் 

பாலின வித்தியாசம் ஒரு 'தடையில்லை'

கரையற்ற எண்ணங்களே போதும் 

இன்பத்தில் நட்புக்கு ஏதும் 'நிகரில்லை'

துன்பத்தில் அதன் பிரிவைப்போல் 'ஏதொன்றுமில்லை' !

- அரவிந்த்

---

---

தாய்

 

 குப்பையிலும் மாணிக்கம் உண்டு 

என்ற போது நான் நம்பவில்லை !

ஆனால் உன் மூலம் அறிந்து கொண்டேன் 

பெண்களிலும் தெய்வம் உண்டு என்று !

- அரவிந்த்

---

---

பெண்

 

சிற்பி செதுக்கிய 

                                             ஓர் அழகிய சிற்பம் !

ஓவியன் வரைந்த 

                                                 ஓர்  அற்புத ஓவியம் !

கவிஞன் எழுதிய 

                                                      ஓர் இலக்கிய காவியம் !

இயற்கை உருவாக்கிய 

                                                     ஓர் உன்னத பாலினம் !

- அரவிந்த்

---

---

பெண்ணிடம்

 

அன்பின் உறைவிடம் !

கற்பின் போக்கிடம் !

பாசத்தின் முடிவிடம் !

நாணத்தின் புகலிடம் !

- அரவிந்த்

---

---

தீபம்

 

சொர்கத்துக்கு வழிகாட்டும் 

ஒரு தங்க வழிகாட்டி 

இருள்களை விளக்கிவிடும் 

திருட நினைத்தால் சுட்டுவிடும் !

- அரவிந்த்

---

---

பனித்துளி

 

ஊரெல்லாம் விழுந்து கிடக்கும் 

"இரத்தினக் கற்கள்"

கையினில் அல்லவியலாது 

விழிகளில் ரசிக்கத்தான் முடியும் 

அணிகலனாக உடுத்தவியலாது 

சீண்டியதும் கரைந்தோடும் !

- அரவிந்த்

-------------------------------------------------------------------------------------

பின் குறிப்பு : நடுங்கிக்கொண்டிருந்த அந்த இருவில், எனது புதிய கேமெராவில் நான் எடுத்த புகைப்படம் அது !

---

---

புள்ளி மான்

 

துள்ளி ஓடும் புள்ளி மானே 

வேடன் வில்லில் நீ சிக்கியது ஏனோ ?

துள்ளும் தருணத்தில் கால் தடுக்கியதோ 

ஐயோ ! பாவம் உன் உயிர் பிரிந்தனவோ !

- அரவிந்த்

---

---

கதிரவக் காதல்

வைகறையில்,                                                             

உறங்கும் காதலியை தன் ஒளிக் 

கரங்களால் சீண்டினான் காதலன் 

விரிந்து மலர்ந்து இவளும் புன்னகைத்தால் 

நாள் முழுவதும் இன்பமே இவர்களுக்கு 

தூது போனது !                                                 

மாலையில்,                                                                   

தங்கள் பிரிவைத் தாங்க முடியாது 

அழுததின் விளைவு அவள் வாடினால் 

இவன் முகம் சிவந்தது, வாடிய அவள் 

உதிர்வதைக் கண்டு தானும் மறைந்தான் 

இருளும் சூழ்ந்தது !                                            

- அரவிந்த்

---

---

மழைத்துளி

 

மேகம் கொடுக்கும் 

வெள்ளிப் பஸ்பம் 

வீதியில் விழுந்தால் 

தங்கப் பஸ்பம் !

- அரவிந்த்

---

---

துன்பமே தொலைந்து போ

ஏ துன்பமே !                                              

புயலாக வந்து மீனவர்களை வருத்துகிறாய் 

மழையாக வந்து ஏழைகளை அழவைக்கிறாய் 

வறுமையாக வந்து பாமரனை கலைக்கிறாய் 

நோயாக வந்து செல்வந்தனையும் கெடுக்கிறாய் 

இன்னும் நீ யாரை எதிர் பார்க்கிறாய் 

இனியும் இராதே ! தொலைந்து போ !

- அரவிந்த்

---

---

ரோஜா

இரவிவர்மன் செய்த 

ஓவியப் பிழைதானோ ?

உன்னோடு பிறந்த 

துளைக்கும் முட்கள் !

- அரவிந்த்

---

---